Налайх дүүргийн Соёлын ордны өмнөх талбайд “Сайн Хүүхэд” хөтөлбөрийн төгсөлтийн арга хэмжээ амжилттай зохион байгуулагдлаа.2015-2016, 2016-2017 оны хичээлийн жилд “Сайн Хүүхэд” зан төлөвшлийн хөтөлбөр маань Налайх дүүргийн боловсролын газартай хамтран 5 сургуульд амжилттай хэрэгжлээ. Хөтөлбөрт хамрагдсан 6 дугаар ангийн 563 сурагчид “Сайн хүүхэд-1,2” хөтөлбөрт багтсан 10 зан чанарыг дадал хэвшил болгоход суралцлаа. Эхлэл-АОМ төрийн бус байгууллагын зүгээс бүх сурагчдад сертификат гардууллаа.

2017 оны 5 дугаар сарын 8 нд болсон уг арга хэмжээнд тус дүүргийн удирдлагууд болон боловсролын газрын дарга Д. Отгонжаргал, сургуулийн захирлууд оролцон хөтөлбөрт хамрагдсан хүүхдүүдэд баяр хүргэж, мэндчилгээ дэвшүүллээ. Зан төлөвшлийн сургалтыг сурч төгссөн хүүхдүүдийн зүгээс мөн урлагийн мэндчилгээг дүүргийн удирдлагууд болон багш нартаа дэвшүүлсэн юм. Хүүхдүүддээ амжилт хүсье!